လူရွှင်တော်

သူ့သွေးကိုသူပြန်စုပ်မိတဲ့
တစ္ဆေတစ်ကောင်လိုညှဉ်းညူသံမျိုးနဲ့.                  
ညတစ်ညဟာ သူ့နာမည်သူမေ့နေခဲ့..

ကန့်လန့်ကာနောက်မှာတော့ အပြုံးယဲ့ယဲ့လေးတစ်စ....
 

လူရွှင်တော်တစ်ယောက်ကပြောခဲ့ဖူးတယ်
သူ့နှလုံးအိမ်ကို မျက်ရည်တွေနဲ့တည်ဆောက်ခဲ့တာပါတဲ့
ဒါဆို ...ကျွန်တော့်နှလုံးအိမ်ကရော...
ဘာတွေနဲ့တည်ဆောက်ခဲ့တာလဲ....?

မနက်ခင်းတစ်ခုရေ...
ငါ့ရဲ့စိတ်တွေကို မျက်နှာသစ်ပေးပါ...
မင်းရဲ့နှင်းစက်တွေနဲ့ ပတ်ဖြန်းပေးပါ...
မီးလောင်တိုက်သွင်းခံလိုက်ရတဲ့
သိက္ခာတရားတွေရဲ့သင်္ဂြိုလ်ပွဲအတွက်
လက်ခုပ်သံကျယ်ကျယ်လေးပါးလိုက်ချင်လို့...
 

ရွာရိုးကိုးပေါက်လျှောက်နေတဲ့ မိုးတွေ
ငါ့ရဲ့စိတ်ကို ရွာသွန်းပေးပါ...
ငါ့ရဲ့အိမ်ပြန်ချိန်ကို ရွာသွန်းပေးပါ...
လက်ခုပ်သံအောက်က
လူရွှင်တော်မျက်နှာဖုံးနဲ့ ..ငါ..ကပြမယ်လေ...
 

မျက်ရည်တွေနဲ့ဆောက်ခဲ့တဲ့ နှလုံးအိမ်တစ်ခု
ဇောက်ထိုးအလှဲခံလိုက်ရတဲ့ ကံကြမ္မာလား
ဒါမှမဟုတ်...
ကံကြမ္မာရဲ့ ဇောက်ထိုးပြကွက်လား
ဘာပဲဖြစ်ဖြစ်...
လက်ခုပ်သံတွေနဲ့..တစ်ခါက...
လူရွှင်တော်တစ်ယောက်အဖြစ်နဲ့....
ငါဆက်ပြီးကပြပါ့မယ်

                                    မိုးနေ

ခေတ်သစ်မှတ်တမ်း

 ကံကြမ္မာရဲ့ ကကွက်တစ်ခု
ဝက်သစ်ချပင်တွေ အစီရီပွင့်လို့
မျှော်လင့်ချက်တွေ လမ်းလျှောက်ထွက်နေခဲ့ ...

မာယာလို့တော့မသုံးနှုန်းပါနဲ့ ..ကောင်မလေး ..
င့ါရဲ့ဆေးစက်တွေကျရာ မှင်ထင်ခဲ့တာမှမဟုတ်တာ...
ငါတုိ့... ခပ်လွင့်လွင့်လေးတီးခဲ့ကြတဲ့ မနက်ဖြန် ..
ဒရောသောပါးနဲ့ ငါတို့အရိပ်တွေကိုကြိုဆိုနေသယောင်...
(ဒါမှမဟုတ်).. ကျီစယ်နေသယောင် ဖြန့်ကြန့်ထားရဲ့ ...

ကာလတွေရဲ့အရောင်ကို မင်းဘာချယ်မလည်း...
ခပ်ရင့်ရင့်လား..ခပ်ဖျော့ဖျော့လား....
ဒါမှမဟုတ် ကမ္ဘာရဲ့ပထမဆုံးသောအရောင်တွေထဲက တစ်ခုလား...

ပစ္စုပ္ပန်ကိုသတိရတိုင်း ( macallan ) 12 သားက အပြုံးချိုချိုနဲ့...ငါ့ကို..
ဆီးကြိုနေကြ..အဲဒီချိန်တိုင်း...
အပြုံးခပ်ပါးပါးလေးတွေ...
ငါ့ရဲ့..အရေကြီးဆုံးနေရာမှာ ဝင်လိုက်ထွက်လိုက်နဲ့.. 
( သူ...တိုးတိုးလေးပြောသွားတယ်..ကိုယ်စားပေါ့တဲ့ ) ..

ကောင်မလေးရေ..တစ်ခုပဲမေးလိုက်ချင်ရဲ့.....
ကမ္ဘာဟာ ငါတို့မဟုတ်တော့တဲ့ချိန် ...
ငါတို့သာ ကမ္ဘာတစ်ခုဆိုရင် မင်းဘယ်လိုလုပ်မလည်း... 

                                                                                     မိုးနေ

ပြဇာတ်တစ်ပုဒ်ရဲ့...ကကွက်...

  ပြဇာတ်တစ်ပုဒ် ..........တဲ့ ...
                        ကိုယ်တိုင်ဇာတ်ဆရာ ကိုယ်တိုင်မင်းသား
                        မျော်လင်.ချက်အပြည်.နဲ့ကနေရင်း
                        ရုတ်တရပ် ကြည့်လိုက်မ်ိတော့ ......
                        ပရိတ်သတ် မရှိတဲ့ ဇာတ်ခုံပေါ်မှာ ......
                        ဟာ ..... ကိုယ်တစ်ယောက်ထဲပါလား.......

              ပြဇာတ်တစ်ပုဒ် .......တဲ့ ...
              ကိုယ်တိုင်ရေး ကိုယ်တိုင်ကတဲ့ဇာတ်
              ဟန်ချက်အပြည်.နဲ့ ........ဟော...... ကစေ...
              ကိုယ်တိုင်ပဲ အမိန့်ချလိုက်တယ်....
              မိုးတွေကသဲသဲမဲမဲရွာနေတုန်း.....

                       ပြဇာတ်တစ်ပုဒ်.......တဲ့ ...
                       မိုးရေတွေနဲ့ အသက်ဝင်နေတဲ့ပြဇာတ်တစ်ပုဒ်
                       ဘာမှန်းမသိတဲ့ ကကြိုးကကွက်တွေနဲ့
                       ရုတ်တရပ် ကြည့်လိုက်မိတော့ ....
                       ပရိတ်သတ် မရှိတဲ့ဇာတ်ခုံပေါ်မှာ.....
                       လက်ခုပ်သံ တစ်ချက်ကြားလိုက်တယ် .....ဆက်ကစေ.....
                       ဟော ..... အမိန့်ချလိုက်ပြန်ပြီ.....
                       ပြဇာတ်ကမပြီးဆုံးသေးဘူး......
                       မိုးတွေကသဲသဲမဲမဲရွာလို. ကောင်းနေတုန်း ...........

                                                                                                         မိုးနေ

တစ်ခြမ်းပဲ့ ...ရာသီ

အလွမ်းတွေနဲ့အိပ်စက်တဲ့ရာသီဂြိုလ်

ခြေရာတွေကိုအိပ်မက်ထဲအကျဉ်းချ
အဘိဓ္ဓာန်ထဲက နိူးထခြင်းတွေ 
ဒဏ္လာရီတစ်ခုစာ လုံလောက်ခဲ့ ...

ခပ်ပါးပါးအရိပ်နှစ်ခု
နတ္ထိတွေထဲ အရောင်တွေအန်အန်ချ
မြှောက်ပြန်လေတွေတိုက်ခတ်ခဲ့ချိန်ကပေါ့ ...
  
ကန္တာရတွေအေးစက်

တောင်ဘက်ကျကျ အစွန်းတစ်ခုမှာ
ငါတို့မြိုးရိုးတွေ အခိုးငွေ့ငွေ့ဝေလို့ ....

ရာသီမဟုတ်တဲ့မိုးတွေလည်း
တစ်ကိုယ်စာမက ရွာချ.....

တကယ်တော့ ....
ကျိန်စာခပ်ရင့်ရင့် ပြန့်ကျဲခဲ့တဲ့
ပြဇာတ်တစ်ပုဒ်ပါပဲ ....


                                                 မိုးနေ

မာရ်နတ် ဖြားယောင်းခဲ့သော ပန်းသီးတစ်လုံး

ငါဟာ အရူးတစ်ယောက်ဆိုရင်
ကမ္ဘာဦးက ပန်းသီးကို စားခဲ့မိလို့
ဖြစ်ကောင်းဖြစ်လိမ့်မယ်  .....
 
အချစ်ဆိုတာလည်း
ပန်းသီးတစ်လုံးက ဖြစ်တည်ခဲ့တာဆိုရင်
မာရ်နတ်က ...
အချစ်ကို မွေးဖွားပေးခဲ့တဲ့ သူတစ်ယောက်ပဲပေါ့ ...

ကောင်မလေးရေ ...
ငါဟာ မာရ်နတ်ရဲ့ အချစ်ကိုစားသုံးမိလို့
ကျိန်စာသင့်ခဲ့တဲ့ သူတစ်ယောက်ဆိုရင်
အဆုံးသတ်ဟာနင်ဖြစ်စေ  .....

နတ်ဆိုးတစ်ယောက်ရဲ့ ဖြားယောင်းမှုဆိုတာ
တစ်ခါတလေတော့လည်း လှပနေတက်တာပဲ ...
နှလုံးသားတစ်စုံစီအတွက်ပေါ့  .....  

ငါစဉ်းစားခဲ့ဖူးတယ် .....
တကယ်လို့ နတ်ဆိုး သာမရှိခဲ့ရင်  
ကောင်မလေးရေ ...
နှလုံးသားထဲက ဖြစ်တည်မှုတွေကို
ဘယ်လိုခေါင်းစဉ်တပ်မလဲ  .....   

တစ်ချို့ပန်းသီးတွေက ချိုမြိန်သလို
တစ်ချို့ပန်းသီးတွေက ခါးသီးတယ် ...
တစ်ချို့ပန်းသီးတွေမှာတော့
အဆိပ်တွေ ပျော်ဝင်စီးဆင်း နေတက်တယ်  .....

ကောင်မလေးရေ .....
နင်ရော ........ဘယ်လိုပန်းသီးမျိုးလည်း.....?

                              

                                မိုးနေ

ပျို

ရင်ထဲက လေးနက်ခြင်းတွေ
ပဉ္စလက်နဲ့ နင်နူတ်ယူသွားတယ်
ရင်ခုန်သံရပ်တန့် မသွားခဲ့ပေမဲ့
ဒုတိယအကြိမ်သေဆုံးခြင်းပဲ ပျို ....
ီ
နင်မရက်စက်ခဲ့ပါဘူး
နှလုံးသားတစ်ခု ဇောက်ထိုးဖြစ်ခဲ့တာကလွဲလို့ 
ဒါပေမယ့် ..... ငါမညာပါဘူး ....
လွမ်းတယ် ... ငါနင့်ကိုလွမ်းနေဆဲပဲ ပျို ...

ဓားသွားမှာပျားရည်ဆမ်းပြီး
အတ္တတစ်ခြမ်းကိုမှ ပန်းသီးလိုခွဲစားချင်ခဲ့တာ
နင့်ရဲ့ ပြင်းပြတဲ့ မက်မောခြင်းပဲလေ .....

နှလုံးသားတစ်ခုကွဲခဲ့လို့ 
နှလုံးသားတစ်ခုကိုပြန်ခွဲတာ
မှန်တယ် ..... တရားတယ် ....

နင့်ပျော်ရွင်ခြင်းအတွက် ကံကြမ္မာကသတ်မှတ်ပေးခဲ့တဲ့
တစ်ခုတည်းသောအရာဟာ ... ငါဆိုရင် ...
နင့်ရဲ့ ရူးသွပ်မှုအတွက် ငါ ......
အကြိမ်ကြိမ်ပြန်ရှင်သန်ပေးမယ်
နင်အကြိမ်ကြိမ်ပြုံးလိုက်ဦး ပျို .....

နင့်ကိုချစ်ပေမယ့်
နင့်နှလုံးသားကို ငါမုန်းတယ် .....

နောက်ဆုံး ... နောက်ဆုံး ...
နင်မလိုအပ်တော့တဲ့နေ့ 
နင်ပျင်းရိသွားမယ့် နှလုံးသားကို ... ပျို ...
မြေကြီးပေါ်ပစ်ချခဲ့ပါ .....

နောက်ဆုံးအကြိမ်သေဆုံးခြင်းနဲ့ 
မမြင်ရတဲ့ ဘယ်ဘက်ရင်အုံထဲမှာ
နင်ရှိနေဦးမယ် ... ပျို .....


မိုးနေ

တေလေမှတ်တမ်း ...

ငါခတ်နေတဲ့ အတောင်ပံတွေကို
မင်းရဲ့ မုန်တိုင်းနဲ့ မကျီစားပါနဲ့  ...
နှင်းတစ်စက်မကြွေသေးခင်
မအိပ်စက်ရသေးတဲ့မြေကြီးပေါ်
အကျဉ်းကျနေတဲ့အိပ်မက်တွေ
ခြေချခွင့်ရချင်သေးလို့ ပါ ...

ငါဟာ အစွမ်းကုန်မိုက်နေတဲ့ ကန္တာရတစ်ခု
ရီတစ်လှည့် ငိုတစ်လှည့်နဲ့ 
နံပါတ်စဉ်တပ်မထားတဲ့ အဘိဓ္ဓာန်မှာမှ
ဂမ္ဆီာရဆန်ဆန် ကျူးရင့်ချင်ခဲ့ ....

တောခွေးတစ်အုပ်ကိုတွေ့ လို့ 
ဝံပုလွေအရေခြုံခဲ့တဲ့သူအဖြစ်နဲ့ တော့
တောအုပ်တစ်အုပ်ရဲ့  သမိုင်းမှာအမည်မတွင်ခဲ့ချင်ဘူး ...

သိက္ခာတရားတွေနံစော်နေတဲ့ သဘာဝတော့
မြှောက်ပြန်လေတွေနဲ့ အဖော်ညိုပြီး
သူ့ ကိုယ်သူနိူးထခဲ့တာ ကြာပြီတဲ့ ...

ဒီလိုနဲ့ ပဲ .... တေလေတစ်ကောင်
မိုးလင်းတိုင်း သူ့ ကိုယ်သူ ပြန်ပြန်ကြည့်လို့ ပေါ့ .....

မိုးနေ